Það eru víst að koma jól. Mér gengur ekki nógu vel að komast í jólaskap og er það sennilega vegna þess að úti er ekkert jólalegt. Að vísu eru margir búnir að skreyta húsin sín MIKIÐ en úti er bjart á daginn, grasið er ennþá grænt, slatti af lauftrjánum og runnum hér hafa enn ekki misst laufin, það eru 3 gul blóm í blómabeðinu mínu og stjúpurnar í næsta garði eru ekki enn farnar í dvala. Þegar jólaskrauti er svo bætt við þetta allt saman minnir það meira á leiksvið þar sem allt er tínt til svo hægt sé að halda sýningu. Það lítur ekki út fyrir að vera ekta "jóla".